I'm back / اعتذار لمتباعاتي ♥.

بسم الله الرحمن الرحيم .

رجعت رجعه من بعد شهورررر كثيره جدا جدا و واسفه على هذا الانقطاع ..
وانا الغلطانه واعتذر اعتذار شديد لمتابعاتي والله اني استحي لما ادخل واشوف المتابعه تزيد وانتو تستنوا بوست :(
اعتذر ياحبايبي لكم كلكم , سبب انقطاعي ضغط الدراسه , لاني اداوم دوامين في نفس اليوم واحاول كلهم اشد حيلي فيهم , ونقله الصور من الكاميرا وترتيب الصور وكتابه الموضوع والله ياخذ مني وقت فضيع 
 ولو انو بكرا عندي اختبار قياس بس لعيونكم ♥
ان شاء الله وبأذن الله راجعه لكم بمواضيع كثيره لان كثير في راسي اشياء بكتبها وان شاء الله ترضيكم حبيباتي ♥♥
شكرا لكل انسانه لازالت تفتح البلوق وتشوف وش الجديد احبكم احبكم يامخلصات =(♥ .
وان اشاء الله الانستقرام برجع له وبقوه مع انو الفولورز كلمه قليل شويه بحقه , ابدا مافي دعم من ناحية الانستقرام , فعلشان كذا ماتحمست فيه مره =(
على العموم حرجع له وللبلوق وازعجكم فيني =))♥
شكرا لكم ♥♥ ♥ =). insigram : josy88_ لا تنسوا الاندر سكور =p

الاستعداد لمناسبه , الجزء الاخير♥

بسم الله الرحمن الرحيم♥

اللهم صلي وسلم على نبينا محمد وعلى ىله  وصحبه اجمعين , ازيكو ؟ ادري مره بدري =p

واعتذر يابنات على التأخير من جد وانا كنت واعدتكم , حتى برضو ماكنت اتوقع الجزء الثاني حيتأخر كذا توقعت يومين بالكثير وبحطه بعد الجزء الاول ّ!
 بس قدر الله وماشاء فعل تعرفوا لما فجأه تطيح عليك الاختبارات الشهريه ؟ يادوب تفضين ساعه باليوم لنفسك جد كان ضغط بس الحمدلله ♥

اليوم طبعا مثل ماقلت حيكون عن الميك اب , الي حتعمليه وقت المناسبه طبعا ناس يحبون المشغل اكثر بس انا عن نفسي اببدا ماحب شغل المشاغل يطلعوني شبح ملون :/ فأصير ماخذه وقت كافي جدا واصير رايقه وانا احط♥♥ اذا انتي من النوع الي تحطين بالبين اكثر حتستفيدي ان شاء الله ♥^^

أول شيء نكون طبعا مجهزين البشره غسيل ومرطب عميق , بعدها نجي للبرايمر , أي هوا البرايمر ؟ تحطينه على وجهك يسوي طبقه عازله بين بشرتك وبين الميك اب ويثبت الميك اب ويبرز اللون اكثر , طبعا فيه برايمر وجه شادو شفايف الخ , بس الي دارج عندنا بشره , شادو - كل بشره ولها برايمر معين يناسبها , عندك انواع كثيره بينفت , ميك اب فور ايفر , تو فيسد , اربن ديكاي , ذا بودي شوب موش سيء ومتك وغيره كثير , مثل ماقلت انتي والي تحبينه وينبطق على بشرتك , طبعا خصائص التثبيت وابراز اللون في كل البرايمر , لكن كل شيء في نقطه غير زايده , كيف ؟ مثل ذا بودي شوب يزين البشره الباهته و بنفت يغطي المسام والخطوط الخ .

 

 

 

 

 

ثاني حاقه ♥ : الكونسيلر , طبعا كل وحده بتروح مناسبه وتشتري كونسيلر مناسبات او هاي اند الا انها تبغى تغطيه عاليه ولا وش الفايده لول =p سواء هالات و عدم توحيد لون , حبوب , بثور , الخ .

طبعا فيه انواع كثيره الكوفرج حقها جميل واكثر واحد تبع ميك اب فور ايفر و احب هالماركه =p

المهم الكوفرج تبعه شيء خرافي انسي شيء اسمه حبوب او هالات او غيره انسيييهم , اسم الكونسيلر فول كوفرج

طبعا انتبهي الكونسلر لازم تاخذين اغمق من الفونديشن تبعك بشيء بسيط , وكلنا نعرف في باليت يكون فيها الوان كثيره بعذها يستغرب من ايش ؟ عندك الموفي للهالات الي مره مره سودا , والبرتقالي البشره البرونزيه الي فيها هالات , والاخضر للحبوب والبثور, وعندك البيج للهالات الخفيفه ♥

 

ثالث شيء نجي لحبيب الجميع الفونديشن♥

ولازم برضو يكون فول كوفرج او الكوفرج حقه متوسط على الاقل , طبعا فيه انواع  كثيره كويسه , ميك اب فو ايفر , شانيل اذا تبين تغطيه عاديه , ديور البخاخ , كلهم حلوين واذا تبغي معه كوفرج كويس انصحك بالفرش الي تكون كثيفه ومشطوفه من فوق مثل حقت سيفورا , ريل تكنيك , سيقما ..

تبغي تغطيه خفيفه ؟ انصحك بحقت ماك

على العموم الفونديشن فيه الديوي والمات وكل وحده والي تحب , انا عن نفسي مختطله بشتري الى دهنيه لكن احب الوك الديوي فاستعمل ديوي عادي لكن مع بودره فأذا تبغي عادي اللوك الي تبغيه بس لازم احتطياطاتك =p

طبعا انتبهي انتبهي تحطين بس على وجهك لالالا :"( يجبيون لي الصيحه الي بس الوجه !

مررلي شوي شيء خفيف على الاذن وعلى الرقبه خلي لونك متوحد ,

فونديشنات انصح فيها ؟ اتش دي ميك اب فور ايفر و ماك و بخاخ ديور كلهم حلوين وكل وحده والي تحبو ♥♥

 

 

 

 

رابع مدري خامس شيء , الشادو

طبعا لازم قبله برايمر مثل ماقنا , وقتها لا تستخدمي مات او كريمي لانها مناشبه كبيره !

فلازم بادور ومع شيمر او قلتر الي حابه لكن انا افضل شيمر انعم واحلا ♥

طبعا على حسب الالوان الي تبينها بس لا تتحميبن ازرق واحمر واخضر=))

ولا تمشين على مبدأ لازم نفس لون فستاني انسي هالشيء لان رح يخلي الميك اب غلط

عندك ماك فور ايفر الخ الخ كالعاده من هالماركات افضل المنتجات وتنفع مناسبات

 

 

نجي الحين للحواجب

طبعا تكوني مشقرتها قبل بيومين وجاهزه , لازم تكوني وقتها بادور او تاتو او قلم اذا تحبي

+ فرشه للدمج + ماسكرا الحواجب للتثبيت , تبغي كل شيء ؟ انصحك بمجموعة سيقما كل شيء الي تحتاجين وزياده بعد

تاتو تبغين ؟ انصحك ميك اب فور ايفر ثابت وتلقين لون شعرك بسهوله

في الاخير لك الحريه بالرسمه والتشقير بس اهم شيء يكون اللون والرسمه مرتبين والثبات ثم الثبات

 

 

 

أي لاينر , لازم يكون ثابت , سواد فاحم والرسمه تكون مرتبه وفيه مطه في الاخير ولو بسيطه على الاقل

فيه قلم , جل أي لاينر , سائل , طبعا تبغي ثبات وسواد فاحم مافيه زي الجل أي لاينر , استعملي معاها فرشه مشطوفه للرسم

الماركات الكويسه مايبلين وبوبي براون , صح ميبيلين درق ستور بس يتفوق على بعض الهاي اند بشكل ثبات وسواد وسهوله بالرسم شيء الواحد مايصدقه , وماك ابدا ما انصح فيه صح ثبات بس السواد جدا باهت .

 

 

 

نجي للشيء المدري كم رقمه =p

البلاشر او البرونز + الكونتور والهايلايتر , طيب اول شيء البلاشر عندك الحريه كريمي او بادور , والكريمي بالغالب جودتها احسن

تعطي لوك طبيعي كأنو خدودك كذا , وسهله بالدمج وثابته , لكن نادر تلقين كريميه فيها شيمر وهنا المشكله لانها مناسبه مات ماينفع!

انصحك بحقات ماك صراحه خطيره ^^

ثاني شيء البرونز الي استهلكه كثير , ممكن تستعملين برونز لحاله وتستغنين عن الكونتور في هالحاله مثل ما اسوي انا , طرق البرونز حطيه تحت عظة الخد وادمجي انتبهي يطلع مخطط , وحيسوي كانوا خدودك نصين مدري كيف اشرح بس شيء جميل

=p ♥

 

الكونتور والهايلاتر ايش هما ؟ الكونتور لاخفاء الشياء وتقسيمها والهايلاتير لابراز الشيء

الكونتور انصح ماك و ميك اب فور ايفر , استهلكت هالماركتين -_-

على فكحره في باليت الكونسيلر في لون غامق وفاتح ممكن تسوين فيهم كونتور وهايلايتر

برضو الهايلايتر فيه حق ذا بودي شوب على  لؤلؤي جميل جدا♥ ♥

 

 

 

 

 

حنيجي لحبيب الجميع , الروج , القلوس و الليب ستيك

عندك خيار المات او غير مات

تبغي تكبري شفايف وتلعبي بالرسم . استعملي محدد قبل , ولا ننسى طبعا البرايمر اذا متوفر عندك

بعدها حطي الروج وحطي طبقتين او ثلاث , حاولي تشترين منتجات فيها ثبات عالي علشان مو كل شوي تروحي تحطين

القلوس لك الحريه البعض مايحب والبعض يحب , انا عن نفسي ماحبه بس اكيد الناس اذواق

ممكن القلوس الي يكون شفاف فيه شيمرهذا جميل يخلي نفس لون روجك بس يحط لك شيمر♥

 

 

وبس كان هذا كل شيء بالنسبه لليوم , يارب استفدتو ومعليش اذا فيه تقصير

instagram : josy88_

^ فيه شرطه تحت , اندر سكور

ask : AMH13

ربي اشرح لي صدري ويسر لي امري , قود باي اند لوف يو ال♥♥

 

 

 

 

 

 

 

 

الاستعدآد لمناسبه , الجزء (1)♥♥

 

بسم الله الرحمن الرحيم والصلاة والسلام على اشرف الانبياء والمرسلين ♥

مثل ماهو موضح بالعنوان : الاستعداد لمناسبه مهمه , سواء زواج او عزيمه كبيره او حفله كبيره , وممكن برضو لعيد الاضحى بما انو قرب , رح تكون هالسلسله متكونه من 3 اجزاء

اولها استعداد ليلة قبل المناسبه بيوم, يعني وقت الشاور وبعده

 

والجزء الثاني رح يكون عن الميك اب الي حيكون للمناسبه + الباقز

 

والجزء الثالث والاخير حيكون تنسيقات ملابس + شوز + اكسسوارات

 

وان شاء الله تحبونهم كللهم $_$

الفكره ماهي جايه من راسي , مقتبستها من كم بلوقر ويوتيوبر وقلت حلو ليش ما اسوي , واكيد من بنت لبنت تختلف الاستعدادات والمستلزمات الي تحتاجها .

حبدأ لكم من فوق لتحت , رح ابدأ اول شيء بالرجول ربي يكرمكم , الرجول ممكن اكثر شيء تحتاج تدلعينها وتنظفين وترطبين لانها اكثر جزء ينكرف بجسمك يوميا , اول شيء حنبدأ بالتقشير

 

 

عن نفسي صراحة استعمل مقشر ذا بودي شوب الي مستحيل اغيره وجربت غيره كثير وماعجبني الا هو ♥♥

المقشر فيه حبيبات تخلي رجولك يطلع ابو الجلد الميت كله =p , ويعطيك شعور بلانتعاش والنظافه  بشكل , وهذا اهم شيء عندي شعور الانتعاش ♥, اذا انتي ماتحبي الصناعيه او ماعندك القدره او ماعندك فرع قريب , او برضو خلص حقك وبكرا المناسبه ومنتي قادره تجيبي , ممكن تستبدلين السكرب باي سكرب طبيعي *منزلي* انتي مرتاحة عليه , انا افضل : سكر ناعم + زيت زيتون , لانه ينظف من قلب القلب ويرطب ترطيب عميق يبقى لساعات طويله , واستعمله وانا متأكده ماراح يصير ضرر لا سمح الله لان كلها مواد طبيعيه

-

طبعا قشرنا رجولنا ونعنشناها *-* بعدها نجي لمرحلة الترطيب المهمه جدا جدا مهما كانت نوع بشرتك , لازم تختاري وقتها مرطب عميق وتحيطنه وتنامي علشان يبقى طول السهره الجلد مشرق وناعم ومافيه أي تشقق

 

 

 

عن نفسي استعمل كريم 21 البرتقالي , طايحه فيه انا والعائله الكريمه بشكل , ماما ماتستعمل الا هو فقررت اسوي مثلها واجربو , شيء خرافي مره كريمي خفيف بس ترطيبه عميق جدا وتمتصه البشره بشكل سريع ولا تحسين فيه ثقل على رجلك ابد

و طبعا وقت الازمات او التشقق القوي جدا جدا استعمل فازلين وانام لانه ثقيل فأحطه وقت النوم بس

وطبعا خطوه مهم ماننسا الشراب سواء حطيتي أي مرطب خفيف او ثقيل , حطي الكريم والبسي شراب ونامي , الشراب يحتفظ بالكريم على رجلك علشان الكريم مايروح عنها

 

-

خلصنا من الرجول ربي يكرمكم نجي للجسم , الجسم رح يحتاج وقتها صابون منظق + تقشير + شاور جل لريحة جميله + ترطيب

وكلها حكتب عنها واي استعمل ..

 

فالبدايه اغسل جسمي بمويه حاره لتفتيح المسام واجيب الليفه المغربيه + صابون مغربي *الي يسالو عن مكانهم نزيه والعطارين*

واحط على الليفه صابون وترغي , واقعد ادعك فيها جسمي من 5 الى 10 دقايق تقريبا

طبعا لك حريه الاختيار بالنسبه للصابون ممكن ديتول او لايف بوي او أي شيء انتي مرتاحه عليه , برضو اليفه حريه شخصيه والي انتي مرتاحه عليه وتحسينه يناسبك

 

 

-

 

ثاني شيء بعد الصابون نقشر الجسم , عن نفسي استعمل زيت زيتون + سكر لان بهاذي الحاله اسوي سكرب + ارطب جسمي بمرطب عميق , ممكن تستعملي برضو مقشر سوب اند قلوري الي عليه اقبال كثير من الناس , خصوصا فيه عطور وثابته يعني يناسب المناسبات =)♥

 

 

-

 

بعد خطوه التقشير فيه مرحله لك الحريه فيها , بس انا عن نفسي احسها مهمه وما استعمل هالخطوه بالشاور الا اذا عندي مناسبه

الي هي الشاور جل , فيه ناس يخربطون بين الشاور جل وبين صوابين الجسم يحسبون كلها واحد , الشاور جل تقريبا نقدر نقول عليه مرحله طلع تدلعين جسمك بريحه جميله جميله جدا وثابته , عن نفسي اخر خطوه لجسمي استعمل يا شاور جل باث اند بودي , او شاور جل ذا بودي شوب :

 

-

 

نجي لخطوة الشعر والعنايه فيه ♥ , انا استعمل يا شاور جل فاتيكا الممتاز وعليه مدح كثير , او ماسك لشعري الي هي الخلطه الجميله :

زيت زيتون + مايونيز + زبادي

واخليهم ساعه على شعري , انا اهتمامي بشعري مو كثي ومكثف لانو الحمدلله ماعندي مشاكل كثيره

 

-

 

طيب بعد هالمراحل نكون طلعنا من الشاور , نبدأ بالترطيب

جسمي يكون مرطب بزيت زيتون طبعا وقت الشاور , فأطلع واحط يا جليسوليد او حبيب قلبي كريم 21 ♥♥

او زبده بافي من لوش , وممكن استبدالها بزبدة اكوامرابلس

 

 

ولاننسا برضو موية الورد نحطها فيه بخاخ علشان نبخها على كل الجسم وتسكر المسام وتشد الجلد =)

 

-

 

وبعها انظف رقبتي باسكنون مدري اسكنول :/ *مالها خلق تقرا الاسم* + قطنه وافرك فيها رقبتي تنعشها و تنظفها

 

بعدها احط بادور على رقبتي فقط , يا بيبي جونسون اذا ماني حابه شيء معطر او حبيبة البي بودرة زهور الريف  فيه 3 روايح

اتوقع وردي واصفر وابيض ان ماخاب ظني :/

 

 

-

 

وبعد كذا اتجه للعنايه بالشفايف طبعا حالها حال الجسم ترطيب وتقشير , ممكن بالنسبه للتقشير تستعملين فازلين + فرشه صغيره حقت اسنان وتدعكين فيها شفايف , شيء خرافي يوخر السواد ويتفخها شوي مره♥ ويخليها حمراء *-*

او عندك المقشر اللزيز حق لوش المشهور والاكثر مبيعا في لوش , الي هو بالـ بيبل قم , تقشرينها 5 دقايق وتغسلينها بالمويه

 

بعد كذا حنرطب الشفايف , لك حرية الاختيار باي مرطب انتي مرتاحه عليه وعاجبك بيزلين او فازلين او لبيلو ..الخ

انا عن نفسي وقت بغررررررام مرطب عجييييب ♥♥

تخيلوا شاريته من التميمي ! لا خساير ولا شيء =p

 

 

هو ذا المنسدح الجميل لول =p♥ 

على العموم انتو ملاحظين ماتكلمت عن عنايتي بوجهي ؟ حشرح لكم السبب , هالفتره انا في كورس الروكوتان او الروكاتين الي تسمونها , فت ماني قادره استعمل الا الاشياء الي معطتني الدكتوره ابي امشي على النظام صح 

طبعا اخذ حبه منها بعد الغدا دايم =)

 

الاشياء الي استعملها لوجهي محلول derma-t يستعمل لحب الشباب واحطه على كامل الوجه ويكون مره نهار

وبالليل قبل النوم كريم differin يعالج البثور و البقع

 

 

وما استعمل أي غسول لوجهي ولا صابون ولا ماسك ولا اقشره , حتى بعد الكورس ماراح استعمل هاذول الاشياء واخرب بشرتي وكنك يابو زيد ماغزيت , حقولكم ليش , تتصوروا ان لما تنشفين وجهك بالغسول تقوم الخلايا ترسل رسايل للزيوت انها تطلع بكميات كبيره لسطح البشره لانها تحس لانها ناشفه , وتطلع بكميات البشره ماهي محتاجه كل هالكميه , وبـ هالسبب تطلع الحبوب و هذا الكلام قاله لي اكثر من دكتور =)

 

وبس هذا كان كل شيء , اعذروني على التقصير , وشكرا على القراءه ♥♥

istagram : josy88_

^ موجود شرطه تحت .

استنوا الجزء الثاني والثالث قريب ان شاء الله ♥ bye =p

 

 

 

 

 

 

 

 

 

 

 

 

 

مفضلاتي العشوائيه♥♥/Random Favorites=)

                                                                   بسم الله الرحمن الرحيم

اللهم صلي وسلم على نبينا محمد وعلى آله وصحبه اجمعين ♥♥
ازيكوا مع اول سبوع دوام =p ؟ صراحة عن نفسي غبت الخميس ههههههه لانو ماتعودت وبرضو علي بحوث *من اول اسبوع* والطابعه مدري وش فيها والنفسيه زفت قلت اغيب احسن :/ جوسي تراه مو مكان حلطمه؟ اوكي.

المهم مثل ماهو موضح بالعنوان مفضلاتي العشوائيه يعني ماهي ميك اب بس , رح تكون من وايتس , وجوه , جوسي كوتور , الخ..
بسم الله نبدأ :

 

برايمر من بنفت , طبعا شفت كثير بنات يوتيوبر و بلوقر مدحوه , يعني عليه اقبال كثير والي كانت تشتغل بالمحل برضو مدحته , فـ قلت لازم لازم اجربه =p لي حاليا اسبوع تقريبا مستعملته , حبيته جدا لكن الي قهرني العلبه صغيره ايش ذا :/

اول ماتحطينه يكون لونه بيج , اول ماحطيته خفت حسيت حيكون مثل الفونديشن ويصير اوفر ! بس اول مابديت اوزعه اختفى اللون وصار كأنه كريم عادي مافيه لون فونديشن يعني , اول ماحطيته ولمسته يا شعور جاني♥♥

ناعم جدا جدا , ويعطي طبقه مخمليه للبشره , ويناسب البشره دهنيه , مختلطه , عاديه والجافه مره مره ما اتوقع يناسبها =)

سعره 158 ريال , حسيت السعر مبالغ فيه نوعا ما ؟

 

هذا سواتش له بدون فلاش , على اليمين مدموج وعلى اليسار قبل مايندمج ♥.

 

 

فاونديشن HD من ميك اب فور ايفر , كل مادخلت صفحات بلوقر ولا انستقرام عند خبيرات التجميل القاهم مادحينه !

فقت برضو لازم اجربه =p *كل شيء تبي تجربه الاخت* ايش طفرت ؟ لا ابدا مين قال ؟ =)))

هههههههه المهم ماعلينا رحت للمحل وقلت لها اني ما اعرف درجتي بس ابغاه درجه متوسطه وبيج , طبعا الله يصلحها جابت لي على بينك , وجربته بالمحل على يدي طلع اغمق مني بشوي وجربت افتح طلع افتح مني ! قلت اخذ الغامق افضل , رحت جربته بالبيت وطلع اغمق مني بزياده ! ان شاء الله لما ارجع اشتريه بشتري درجه 140 الي على بيج =) , درجت الفونديشن هذا 150

ينفع للبشره الدهنيه والمختلطه والعاديه , الجافه تحط قبله مرطب , وتغطيته من متوسط الى عالي حبيت ان مايبين ان حاطه شيء اوفر , لان كل الفونديشنات تقريبا الي تغطيتها عاليه تطلع اوفر الا هذا عجبني ♥♥

سعره حوالي 200 ريال

 

 

هذا سواتش له  بدون فلاش وترا حطيت طبقه وحده بس $_$♥♥

 

 

ارواج صباحيه , الي على اليسار من ريفلون بيبي بينك على لحمي , والي على اليسار ممسوحه الماركه بالمره :/ سارقته من ماما مو حقي :$ , طبعا كل الروجين الوانهم طبيعيه وصباحيه , وكلهم مات وتميل للكريمي كثير , وحسيت لما احطه ابدا ماتنشف لي شفايفي بالعكس احسها ناعمه ♥♥ , و ثباتها متوسط مو الي مره سعرهم ابدا ماعرف الاول تبع مام الثاني هديه♥

ريفلون درجته 613

 

 

هذا سواتش له بدون فلاش طبعا , الي فوق ريفلون والي تحت الماركه الثانيه =)

 

 

كريم مرطب مع حمايه من الشمس spf30 في البدايه ماكنت احب احط مرطب لان بشرتي دهنيه مختلطه فـ خفت انو تطلع لي حبوب وتدهن بشترتي بسبب الترطيب , لكن فيه دكتور نصحني فيه قال هذا مخصص للدهنيه والمختلطه خالي من الزيوت وممتاز جدا للبشرات الي تحبب دايم , طبعا مايحتاج كل اسبوع طالعه وحده مدري من وين :/ , وجربته وفعلا خلى بشتري ناعمه وما اشيل هم نسبة الواقي لانه كافي , ولا بشرتي تزيت ابدا , شريته من وايتس بحدود 50 ريال =)♥♥

وترا كتبت عنه بلـ انستقرام اذا حابين شوفوه=).

 

 

بيبي كريم من غارنييه للبشره الدهنيه-المختلطه , القديم كان للبشره الجافه والعاديه كان فيه كميه ترطيب عالي ارجع من الدوام بشتري تلمع كني حاطه فازلين ! وسببلي القديم حبوب لان مثل ماقلت فيه ترطيب عالي , واستعملت هذا الجميل وعجبني جدا جدا , يوخر الدهون من البشره ويوحد اللون ويرطب ترطيب مناسب للبشره الدهنيه والمختلطه , لكن القديم تغطيته اكبر من هذا , شريته برضو من وايتس سعره بحدود 32 ريال ♥♥

 

 

وهذا سواتش له برضو بدوون فلاش , وترا الاضاءه قويه , مثل ماقلت تغطيه ماهي مره زي القديم , هاذي الدرجه الفاتحه وهو مافيه الا فاتحه ومتوسط♥♥

 

خلصنا من الميك اب نبدأ بالعشوائيه♥=)

 

 

 

حلقات ذهب عليها اسمي :$ هذا الحلق عندي من زمان مره بس ماكنت اهتم له كثير البس اكسسوار اكثر , بس حنيت له هههههه وماصرت ألبس الحين الا هو يعطي شكل جميل بلاذن وحجمه جدا ناعم ♥♥ كل محلات الذهب يسسون كذا =)

 

 

 

 

 

 

سواره ناعمه جدا من Pandora  , من فرعهم الي بدولة قطر الجميله , ززمان كان نفسي فيها وجاتني هديه ♥♥

حبيتها كسواره عمليه دوام وطلعات بسيطه لونها على موفي سعرها بـ 223

 

 

 

 

تسأليني عن الجمال ؟ اكلمك عن جوسي كوتور , ماركتي المفضله ♥♥ , زمان كان نفسي بساعه كويسه غير عن طقت سواتش :/ زمان ماكان لي ميول بالساعات بس الحين لا حسيتها شيء مهم كثير , يعني قبل اهم شيء خلاص ساعه وتمشي الحال , البسها بالطلعات والمناسبات كل شيء تقريبا الا دوام والسوق , هي ثقيله شوي سعرها 1400 ريال , خذتها من محل ون تايم فرع الفيصله , ضمانها سنتين والبطاريه طول العمر , حبيت تعاملهم وكرمهم بالضمان $_$

 

 

وهذا كان كل شيء بالنسبه لليوم , ان شاء تكونوا استفدتو وحبيتو البوست

أي سؤال عن المنتجات اسالوني هوا بلاسك

لا تنسون فولو بلانستقرام الي رازته بكل مكان ;p

I loveee you all bye bye♥

 

 

 

 

روتيني الصباحي للمدرسه ♥/my morning rotine for school

           
بسم الله الرحمن الرحيم
اللهم صلي وسلم على محمد ♥


وحشتوني يامزز =p ، اسفه جدا جدا على التأخير♥ ، طيب نرجع للموضوع الاساسي مثل ما انتو عارفين قربت المدرسه والجامعه والدوام وقومة الصبح وسنه جديده = pp  الله يجعلنا سنه سعاده وراحه وتفوق اللهم امين ♥

ودي اقولكم شيء برضو تشوفون انتم بالتويتر او الناس الي تقعدون معاهم يقولون اووه جاء الدوام والغثا و مدري ايش وكلمات تحطم تخليك تكرهين حياتك كلها تحسينك داخله جحيم سجن مو مدرسه ! وفعلا وتروحين وتجين وتقولين صح كلامهم غثا ! تعرفين ليش صار صح ؟ لانو انتي رسختي هالكلمات براسك وانتي بنفسك اقنعتي نفسك فيها فـ خلاص صارت هالفكره معلقه براسك ، احنا اليوم كلنا رح نعدلها اوكي ؟ لو فكرتوا فيها المدرسه شيء جميل جميل تعرفوا ليش ؟ هناك اكثر مكان نضحك فيه ونسوي مغامراتنا فيه هناك اكثر مكان تشوفين الناس الي تحبينهم الي هم صاحباتك !

مكان تتعلمين فيه وتتثقفين تطلعين من باب المدرسه وانتي فخوره وقادره انك تدخلين في أي نقاش او موضوع عن الي درسيته وتثقفتي عنه وانتي متأكده انك عارفه رح تفوزين بهاذا النقاش لانك متثقفه فيه ! غير هذا كله خلي نيتك اجر مجرد روحتك للمدرسه لوجه الله تخيلي طول هالساعات له اجر في اجر في اجر ! وايش احلى من الصباح وزحمه السيارات والاطفال وهم متحمسين لاول يوم ولشوفه صاحباتهم شيء جميل ! ان الله لا غير مافي قوم حتى يغيروا مافي انفسهم ، غيري نفسك تلقينك اسعد انسانه ♥

على العموم نبدا بالمهم ♥
روتيني الصباحي  ، منبهي يدق الساعه ٥ ، اقوم ادخل الحمام ربي يكرمكم اتوضأ طبعا و افرش اسناني و اغسل وجهي بصابون البابايا وفرشة ذا بودي شوب ♥♥

 

 

 

بعدها اروح واصلي صلاتي ♥♥ واقعد اقرا وجه من القرآن الكريم ، ترانا مقصرين مع ربنا لنحاول نسد هذا التقصير ماتاخذ منك ولا ٥ دقايق ومنها اجر وطمأنينه وتوفيق من ربي ♥ ، ولا تنسون كل حرف بـ ١٠ حسنات والله يضاعف لمن يشاء ♥ ، ربي يخليكم ويسعدكم خلو هالشيء يوميا والله رح تتغير حياتك ونفسيتك بأذن ربي ♥

 

وبعدها ارش على وجهي تونر لش الطبيعي وارطب يدي بـ كريم ذا بودي شوب لان ريحته حلوه وخفيف وتمتصه اليد بسرعه وفيه حمايه من الشمس، وشفايفي بأي مرطب لازم بمرطبات خفيفه ترطبها وتحميها وقت الدوام و تهيأها للميك اب  ♥♥

 

بعدها انزل تحت واسوي بيركفست :$ الله واكبر يا البريكفست هههههههههههههه ، ماعلينا العاده اخذ كورن فليكس بس اذا دايت اخذ ٣ تمرات وكاس مويه كامل ، او شريحه توست محمصه وتفاحه واروح اشغل التلفزيون واتفرج ♥\

 

 

وبعدها ارقا غرفتي و اشيك على جوالاتي انستقرام تويتر بيبي ام كيك واتس اب الخ =p 

 

 

وبعدها ربي يسلمكلم ارفع شعري وابدأ احط الميك اب ♥ ، وطبعا لازم يكون خفيف ورايق ، اروح احط نقط من البيبي كريم على بشرتي و اوزع ، وبعدها اجيب عكافة الرموش واعكف مرتين واحط ماسكرا طبقتين تقريبا ، وارسم أي لاينر كات ايز ، وارسم حواجبي بالقلم ، واحط مرطب لابيلو وبس ♥♥ الي بتسال تقول كيف مايهاوشون المراقبات الا يهاوشون بس ياجبل مايهزك ريح هههههههههههه

 

 

وبعدها تروح الست هانم تلبس مريولها وشوزها الله يكرمكم و تسوي شعرها ♥♥

 

 

 

وبعدها احط عطر لكن الي يكون تحت الاذن عند عرق النبض ♥♥

لانو الي يوديني سواقنا فـ ماينفع احط عطر اقوم احط هذا بحيث ماتطلع الريحه الا اذا احد قريب عندي ♥

وهذا يبيعونه بالطياره طيران السعوديه .

 

 

و اخر لمسه البس سآعتي وسوآرتي المفضلات ♥♥ والبس عبايتي واطلع ، وفي الطريق اقول اذكار الصباح ♥\

 

 

 

 

 

instagram : josy88_ 

في شرطه تحت ترا =p 

و الاسك : AMH13 

♥ bye bye all